முதற் பக்கம்

முதற்பக்கக் கட்டுரைகள்

மெம்ரிஸ்டர் (Memristor) அல்லது நினைவுகொள் மின்தடை என்பது ஒரு புது வகையான இரு-மின்முனையம் கொண்ட அடிப்படை மின்னுறுப்பாகும். இப்புதிய மின்னுறுப்பின் கண்டுபிடிப்பை ஏப்ரல் 30, 2008 இல் அமெரிக்காவில் உள்ள "ஹியூலிட் பாக்கார்டு" நிறுவனத்தைச் சேர்ந்த ஆர். ஸ்டான்லி வில்லியம்சு என்பவரும் அவருடைய உடன் ஆய்வாளர்களும் அறிவித்தார்கள். இதனைக் கண்டுபிடிக்கும் முன்பு, மின்னியல் வரலாற்றில், மின்தடையம், மின்தூண்டி, மின்தேக்கி ஆகிய மூன்றே அடிப்படை மின் உறுப்புகளாக இருந்தன. இந்த நினைவுகொள் மின்தடை என்னும் புதிய உறுப்பானது ஓர் அடிப்படையான நான்காவது உறுப்பாகும்.

மலையாளம் தென்னிந்தியாவிலுள்ள கேரளத்தில் பெரும்பான்மையாகப் பேசப்படும் மொழியாகும். இந்திய அரசு அங்கீகரித்துள்ள மொழிகளில் இதுவும் ஒன்று. இம்மொழி கேரளத்தின் அதிகாரபூர்வ மொழியாகும். சிங்கப்பூர், மலேசியா, வளைகுடா நாடுகள் போன்றவற்றிலும் இம்மொழி பேசப்படுகிறது. திராவிட குடும்பத்தைச் சேர்ந்த மலையாளத்துக்கு தமிழ், சமசுகிருதம் முதலிய செம்மொழிகளோடு தெளிவான தொடர்புகள் உண்டு. மலையாளம் பேசுவோரைப் பொதுவாக மலையாளிகள் என அழைப்பர். இருப்பினும், அவர்களுடைய மாநிலத்தினைக் கொண்டு கேரளர்கள் எனவும் அழைப்பதுண்டு. உலகத்தில் 35 000 000 மக்கள் மலையாள மொழியினைப் பேசுகின்றனர்.

உங்களுக்குத் தெரியுமா

• பிரித்தானியக் கிழக்கிந்தியக் கம்பனி (படத்தில் கம்பனிக் கொடி) 1689 - 1858 காலப்பகுதியில் இந்தியா உட்பட தெற்கு ஆசியாவின் அனேக நிலப்பரப்புகளை தனியிரிமை பெற்ற வணிக நிறுவனமாக ஆண்டது.
• ஐக்கிய அமெரிக்காவின் ஆறவது குடியரசுத் தலைவர் ஆபிரகாம் லிங்க்கன் கறுப்பின அடிமைத்தனத்தை ஒழிக்கும் வண்ணம் சட்டங்களை அமுல்படித்தினார்.
• எந்த எண்ணுக்கு அதையும், 1 ஐயும் தவிர வேறு காரணிகள் அல்லது வகுனிகள் கிடையாதோ அவ்வெண் பகா எண்.
• இந்தியாவை வளர்ச்சி பெற்ற நாடாக மாற்றுவதற்கான திட்டத்தை முன்மொழிந்த இந்தியா 2020 நூலின் ஆக்கர்கள் ய. சு. ராஜன், அப்துல் கலாம் ஆகிய இரு தமிழ் அறிவியலாளர்கள் ஆவர்.
• தவளைக்கால் இறைச்சி பிரான்ஸ், சீனா, வியட்நாம் நாட்டுச் சமையலில் விரும்பப்படுகிறது.

• மேலும் சில கட்டுரைகள்..

செய்திகளில்

• தாய்லாந்தின் ஆளும் கூட்டணியில் மூன்று கட்சிகளையும் அந்நாட்டு அரசியலமைப்பு நீதிமன்றம் தடை செய்ததை அடுத்து பிரதமர் சொம்ச்சாய் வொங்சவாட் (படம்) தனது பதவியைத் துறந்தார்.
• கிளிநொச்சி மாவட்டம் தருமபுரத்தில் உள்ள இடம்பெயர்ந்தோர் தங்கியிருந்த முகாம் மீது இலங்கை வான்படை நடத்திய குண்டுத்தாக்குதலில் ஐந்து வயது சிறுவன் உட்பட மூவர் கொல்லப்பட்டு 18 பேர் படுகாயமடைந்தனர்.
• 26 நவம்பர் மும்பை தாக்குதல்களில் 195 பேர் கொல்லப்பட்டு, பல நூற்றுக்கணக்கானோர் காயமடைந்தனர்.
• முன்னாள் இந்தியத் தலைமை அமைச்சர் வி. பி. சிங் காலமானார்.
• புகழ்பெற்ற நடிகர் மா. நா. நம்பியார் சென்னையில் தனது 89வது அகவையில் காலமானார்.
• தமிழீழ விடுதலைப் புலிகளின் கட்டுப்பாட்டிலிருந்த பூநகரியைத் தாம் கைப்பற்றியுள்ளதாக இலங்கை அரசு அறிவித்தது.
• எச்ஆர் 8799 விண்மீனைச் சுற்றிவரும் மூன்று கோள்களையும், பொமல்ஹோட் என்ற விண்மீனைச் சுற்றிவரும் ஒரு கோளையும் தொலைக்காட்டிகளினூடாக பார்க்கக்கூடியதாக இருப்பதாக அறிவிக்கப்பட்டுள்ளது.
  மேலும் செய்திகள்...

  ---

  இன்று..

  

  டிசம்பர் 4: இந்தியா - கடற்படையினர் நாள்

• 1639 - ஜெரிமையா ஹொரொக்ஸ் என்பவர் முதன் முதலாக வெள்ளிக் கோள் சூரியனுக்கும் பூமிக்கும் இடையில் செல்வதை அவதானித்தார் (படம்).
• 1976 - தமிழ் இலக்கிய முன்னோடிகளுள் ஒருவர் ந. பிச்சமூர்த்தி மறைவு.
• 2006 - பிரான்ஸ் தொண்டு நிறுவனத்தின் 17 தமிழ் ஊழியர்கள் இலங்கை, கிழக்கு மாகாணத்தின் மூதூரில் இராணுவத்தினரால் படுகொலை செய்யப்பட்டனர்.

• அண்மைய நாட்கள்: டிசம்பர் 3 – டிசம்பர் 2 – டிசம்பர் 1

  தொகுப்பு