ಮುಖ್ಯ ಪುಟ

ಜಾಹೀರಾತು ವಿಶಿಷ್ಟವಾಗಿ ಸಂಭಾವ್ಯ ಗ್ರಾಹಕರನ್ನು ಖರೀದಿ ಮಾಡುವಂತೆ ಅಥವಾ ಒಂದು ನಿರ್ದಿಷ್ಟ ಗುರುತಿನ ಉತ್ಪನ್ನ ಅಥವಾ ಸೇವೆಯನ್ನು ಹೆಚ್ಚು ಬಳಸುವಂತೆ ಒಲಿಸಲು ಪ್ರಯತ್ನಿಸುವ ಒಂದು ಪ್ರಸಾರ ಸಾಧನ. ಬಹಳ ಜಾಹೀರಾತುಗಳು ಗುರುತಿನ ಪ್ರತಿ ಅಭಿಪ್ರಾಯ (ಬ್ರ್ಯಾಂಡ್ ಇಮೇಜ್) ಮತ್ತು ಗುರುತಿನ ಪ್ರತಿ ನಿಷ್ಠೆಯ (ಬ್ರ್ಯಾಂಡ್ ಲಾಯಲ್ಟಿ) ನಿರ್ಮಾಣ ಮತ್ತು ಬಲವರ್ಧನೆ ಮೂಲಕ ಆ ಉತ್ಪನ್ನಗಳ ಮತ್ತು ಸೇವೆಗಳ ಬಳಕೆ ಹೆಚ್ಚಾಗುವಂತೆ ರೂಪಿಸಲ್ಪಡುತ್ತವೆ. ಈ ಉದ್ದೇಶಗಳಿಗಾಗಿ, ಜಾಹೀರಾತುಗಳು ಕೆಲವು ಸಲ ವಾಸ್ತವವಾದ ಮಾಹಿತಿಯ ಜೊತೆಗೆ ತಮ್ಮ ಪ್ರೇರಿಸುವ ಸಂದೇಶವನ್ನು ಹುದುಗಿಸುತ್ತವೆ. ದೂರದರ್ಶನ, ರೇಡಿಯೋ, ಚಲನಚಿತ್ರ, ಪತ್ರಿಕೆಗಳು, ವೀಡಿಯೋ ಗೇಮ್ಸ್, ಅಂತರ್ಜಾಲ ಮತ್ತು ಜಾಹೀರಾತು ಫಲಕ ಸಹಿತ ಪ್ರತಿಯೊಂದು ಪ್ರಮುಖ ಮಾಧ್ಯಮ ಈ ಸಂದೇಶಗಳನ್ನು ತಲುಪಿಸಲು ಉಪಯೋಗಿಸಲ್ಪಡುತ್ತದೆ. ಅನೇಕ ಸಲ, ಒಂದು ಕಂಪನಿ ಅಥವಾ ಇತರ ಸಂಸ್ಥೆಯ ಪರವಾಗಿ ಒಂದು ಜಾಹೀರಾತು ಸಂಸ್ಥೆ ಜಾಹೀರಾತುಗಳನ್ನು ಇರಿಸುತ್ತದೆ.

ಜಾಹೀರಾತು ಆರ್ಥಿಕ ಪ್ರಗತಿಗೆ ಅನಿವಾರ್ಯವೆಂದು ತೋರಬಹುದಾದರೂ, ಇದು ಸಾಮಾಜಿಕ ಹಾನಿಗಳಿಲ್ಲದೆ ಇಲ್ಲ. ಅನಪೇಕ್ಷಿತ ಇ-ಅಂಚೆ (ಸ್ಪ್ಯಾಮ್) ಬಹಳ ಪ್ರಚಲಿತವಾಗಿ ಈ ಸೇವೆಗಳನ್ನು ಬಳಸುವವರಿಗೆ ಒಂದು ಪ್ರಮುಖ ಪೀಡೆಯಾಗಿದೆ ಮತ್ತು, ಅಂತರ್ಜಾಲ ಸೇವಾ ಪ್ರಬಂಧಕರ ಮೇಲೆ ಕೂಡ ಒಂದು ಆರ್ಥಿಕ ಹೊರೆಯಾಗಿದೆ. ಜಾಹೀರಾತು, ಶಾಲೆಗಳಂತಹ ಸಾರ್ವಜನಿಕ ಪ್ರದೇಶಗಳನ್ನು ಹೆಚ್ಚೆಚ್ಚು ಅತಿಕ್ರಮಿಸುತ್ತಿದ್ದು, ಕೆಲವು ವಿಚಾರಕರು ಇದನ್ನು ಒಂದು ವಿಧದ ಮಕ್ಕಳ ಶೋಷಣೆಯೆಂದು ಪ್ರತಿಪಾದಿಸುತ್ತಾರೆ. (ಹೆಚ್ಚಿನ ಮಾಹಿತಿ...) « ಹಿಂದಿನ ಸಂಚಿಕೆ | ಹಳೆಯ ಸಂಚಿಕೆಗಳು »

ಕನ್ನಡ ವಿಶ್ವಕೋಶದ ಸದಸ್ಯರಿಂದ ರಚಿಸಲ್ಪಟ್ಟ ಹೊಸ ಲೇಖನಗಳಿಂದ ಕೆಲವು ಸ್ವಾರಸ್ಯಕರ ಸಂಗತಿಗಳು:

• ದಖ್ಖನ್ ಪೀಠಭೂಮಿ: ಈ ಪೀಠಭೂಮಿಯನ್ನು ಮೂರು ಪರ್ವತಶ್ರೇಣಿಗಳು (ಸಾತ್ಪುರ ಪರ್ವತಗಳು, ಪಶ್ಚಿಮ ಘಟ್ಟಗಳು ಹಾಗು ಪೂರ್ವ ಘಟ್ಟಗಳು) ಆವರಿಸುತ್ತವೆ.

• ಮೂಡುಬಿದಿರೆ: ಜೈನಕಾಶಿ ಎಂದು ಪ್ರಸಿದ್ಧವಾಗಿರುವ ಈ ದಕ್ಷಿಣ ಕನ್ನಡ ಜಿಲ್ಲೆಯ ಊರನ್ನು ತುಳು ಭಾಷೆಯಲ್ಲಿ ಬೆದ್ರ ಎಂದು ಕರೆಯಲಾಗುತ್ತದೆ.

• ಅರೇಬಿಯನ್ ಮರುಭೂಮಿ: ವಿಪರೀತ ಹವಾಗುಣವುಳ್ಳ ಈ ಪ್ರದೇಶದಲ್ಲಿ ಋತುಮಾನಕ್ಕನುಗುಣವಾಗಿ ಹಗಲಿನ ತಾಪಮಾನ ಕುದಿಯುವಷ್ಟಾದರೆ ರಾತ್ರಿಯ ವೇಳೆ ಹೆಪ್ಪುಗಟ್ಟಿಸುವ ತಂಪು.

• ನಂದನವನದ ಪಕ್ಷಿಗಳು: (ಚಿತ್ರಿತ) ಉಷ್ಣವಲಯದ ಮಳೆಕಾಡುಗಳ ನಿವಾಸಿಗಳಾದ ಇವು ಇಂದು ಬೇಟೆಯಾಡುವಿಕೆ ಮತ್ತು ನಿರಂತರ ಅರಣ್ಯನಾಶದಿಂದಾಗಿ ಕಂಗೆಟ್ಟಿವೆ.

• ವಾಸಿಂ ಆಕ್ರಮ್: ಇವರು ಒಂದು ದಿನದ ಕ್ರಿಕೆಟ್ ಆಟದ ಅಂತರರಾಷ್ಟ್ರೀಯ ಪಂದ್ಯಗಳಲ್ಲಿ ಅತ್ಯಂತ ಹೆಚ್ಚು ವಿಕೆಟ್ ಗಳಿಸಿರುವ ದಾಖಲೆ ಹೊಂದಿದ್ದಾರೆ.

• ಒಲಿಂಪಿಕ್ ಕ್ರೀಡಾಕೂಟಗಳಲ್ಲಿ ವಿವಿಧ ರಾಷ್ಟ್ರಗಳ ಸಾಧನೆ: ಇದುವರೆಗೆ ೨೨ ಒಲಿಂಪಿಕ್ಸ್ ಗಳಲ್ಲಿ ಪಾಲ್ಗೊಂಡಿರುವ ಭಾರತ ಒಟ್ಟು ೨೦ ಪದಕ ಗಳಿಸಿದ್ದರೆ, ೨೫ ಬಾರಿ ಭಾಗವಹಿಸಿರುವ ಯು.ಎಸ್.ಎ ಒಟ್ಟು ೨೨೯೮ ಪದಕಗಳನ್ನು ಗೆದ್ದಿದೆ.

• ಭಾರತದ ಮಾಜಿ ಪ್ರಧಾನಮಂತ್ರಿ ವಿ. ಪಿ. ಸಿಂಗ್ ನವ ದೆಹಲಿಯಲ್ಲಿ ನಿಧನ.
• ಮುಂಬಯಿ ನಗರದಲ್ಲಿ ಛತ್ರಪತಿ ಶಿವಾಜಿ ಟರ್ಮಿನಸ್ (ಚಿತ್ರಿತ) ಸೇರಿ ೧೦ ಜಾಗಗಳಲ್ಲಿ ಭಯೋತ್ಪಾದಕ ದಾಳಿಗಳಲ್ಲಿ ಸುಮಾರು ೧೫೦ ಮಂದಿ ಸಾವು.
• ಕೊಂಕಣಿ ಲೇಖಕ ರವೀಂದ್ರ ಕೇಳೇಕರ್ ಮತ್ತು ಸಂಸ್ಕೃತ ಲೇಖಕ ಸತ್ಯವ್ರತ ಶಾಸ್ತ್ರಿಯವರಿಗೆ ಜ್ಞಾನಪೀಠ ಪ್ರಶಸ್ತಿ.
• ಭಾರತದ ಚಂದ್ರಯಾನ-೧ ಗಗನನೌಕೆ ಚಂದ್ರನ ಮೇಲೆ ಯಶಸ್ವಿಯಾಗಿ ಸಂಶೋಧನ ವಾಹಕವೊಂದನ್ನು ಇಳಿಸಿ ಭಾರತದ ಧ್ವಜವನ್ನು ನೆಟ್ಟಿತು.
• ಡಿ.ಆರ್.ಡಿ.ಓ.ದಿಂದ ಶೌರ್ಯ ಕ್ಷಿಪಣಿಯ ಯಶಸ್ವಿ ಪರೀಕ್ಷಣೆ.
• ಭಾರತದ ಕ್ರಿಕೆಟ್ ತಂಡ ಆಸ್ಟ್ರೇಲಿಯಾವನ್ನು ೨-೦ ಪಂದ್ಯಗಳಿಂದ ಸೋಲಿಸಿ ಬಾರ್ಡರ್-ಗವಾಸ್ಕರ್ ಪ್ರಶಸ್ತಿಯ ವಿಜಯಿ.
• ಭೂತಾನದ ಮಹಾರಾಜನಾಗಿ ಜಿಗ್ಮೆ ಕೇಸರ್ ನಾಮ್ಗ್ಯೆಲ್ ವಾಂಗ್ಚುಕ್ ಪಟ್ಟಧಾರಣೆ.
• ಭಾರತ ಸರ್ಕಾರದಿಂದ ಪಂಡಿತ್ ಭೀಮಸೇನ್ ಜೋಷಿಯವರಿಗೆ ಭಾರತ ರತ್ನ ಪ್ರಶಸ್ತಿ ಘೋಷಣೆ.
• ಅಮೇರಿಕ ದೇಶದ ೪೪ನೇ ಅಧ್ಯಕ್ಷರಾಗಿ ಬರಾಕ್ ಒಬಾಮ ಆಯ್ಕೆ.
• ಕ್ರಿಕೆಟಿಗ ಅನಿಲ್ ಕುಂಬ್ಳೆಯವರಿಂದ ಅಂತಾರಾಷ್ಟ್ರೀಯ ಕ್ರಿಕೆಟ್ ಇಂದ ನಿವೃತ್ತಿ ಘೋಷಣೆ.

• ೧೬೩೯ - ಇಂಗ್ಲೆಂಡ್ನ ಖಗೋಳಶಾಸ್ತ್ರ ತಜ್ಞ ಜೆರೆಮಿಯ ಹೊರ್ರೊಕ್ಸ್ ಶುಕ್ರ ಗ್ರಹವು ಸೂರ್ಯನ ಮುಂದೆ ಹಾಯುವುದನ್ನು (ಚಿತ್ರಿತ) ಮೊದಲ ಬಾರಿಗೆ ಪ್ರದರ್ಶಿಸಿದನು.
• ೧೮೨೯ - ಬ್ರಿಟಿಷ್ ಭಾರತದ ಗವರ್ನರ್ ಜನರಲ್ ಲಾರ್ಡ್ ವಿಲಿಯಮ್ ಬೆನ್ಟಿನ್ಕ್ ಸತಿ ಪದ್ಧತಿಯನ್ನು ರದ್ದುಪಡಿಸಿದನು.
• ೧೯೫೨ - ಲಂಡನ್ ನಗರದಲ್ಲಿ ಉಂಟಾದ ಹೊಗೆ ಮತ್ತು ಮಂಜಿನ ಮಿಶ್ರಣವು (ಸ್ಮೊಗ್) ಮುಂದಿನ ದಿನಗಳಲ್ಲಿ ಸುಮಾರು ೧೨,೦೦೦ ಜನರ ಮರಣಕ್ಕೆ ಕಾರಣವಾಯಿತು.
• ೧೯೭೧ - ೧೯೭೧ರ ಭಾರತ-ಪಾಕಿಸ್ತಾನ ಯುದ್ಧದಲ್ಲಿ ಭಾರತದ ಜಲಸೇನೆಯು ಕರಾಚಿಯ ಮೇಲೆ ಆಕ್ರಮಣ ಮಾಡಿತು.
• ೧೯೮೨ - ಚೀನಿ ಜನರ ಗಣರಾಜ್ಯ ತನ್ನ ಪ್ರಸಕ್ತ ಸಂವಿಧಾನವನ್ನು ಅಳವಡಿಸಿಕೊಂಡಿತು.

ಜನನಗಳು: ಫ್ರಾನ್ಸಿಸ್ಕೊ ಫ್ರಾಂಕೊ, ಸೆರ್ಗೈ ಬುಬ್ಕ; ಮರಣಗಳು: ಒಮಾರ್ ಖಯ್ಯಾಮ್, ಥಾಮಸ್ ಹಂಟ್ ಮಾರ್ಗನ್