რჩეული სტატია |
|---|
კერი ბრედშოუ (ინგლ. Carrie Bradshaw) — გამოგონილი გმირი, მთხრობელი ტელეარხ HBO-ს სიტკომ/დრამაში „სექსი დიდ ქალაქში“ (ინგლ. "Sex and the City"), რომელსაც მსახიობი სარა ჯესიკა პარკერი თამაშობს. ბრედშოუ ნახევრად ავტობიოგრაფიული პერსონაჟია, რომელიც რომანში „სექსი დიდ ქალაქში“ მწერალ კენდეს ბაშნელმა შექმნა. რომანს საფუძვლად გაზეთ „ნიუ-იორკ ობზერვერში“ თავად მწერლის მიერ გამოქვეყნებული სვეტები დაედო. HBO-ს სერიალში, ბრედშოუ გამოგონილი ნიუ-იორკული გაზეთის — „ნიუ-იორკ სტარის“ მესვეტეა. ამას გარდა, უყვარს გართობა და მისდევს მოდას. მოგვიანებით იგი ჟურნალ „ვოგის“ შტატგარეშე ავტორი ხდება. სწორედ მისი ყოველკვირეული სვეტიდან — „სექსი დიდ ქალაქში“ მომდინარეობს სერიალის სათაური, სიუჟეტური ხაზი და თხრობა სერიალის თითოეულ ეპიზოდში. სვეტების ძირითადი თემატიკა კერის და მისი ახლო მეგობრების სექსუალური ხასიათის თავგადასავლებია, ისევე როგორც ზოგადად, ქალისა და მამაკაცის ურთიერთობა, პაემანები და თვით ქალაქი ნიუ-იორკი. ამ სვეტის წყალობით, კერი ნიუ-იორკში ცნობილი ადამიანი ხდება, ხოლო ისინი, ვინც მის სვეტს კითხულობენ, მას აკერპებენ. 2005 წელს, ბრავოს „სატელევიზიო პერსონაჟების ასეულში“ კერი ბრედშოუ პოპულარობით ნომერ მე-11 გმირად დასახელდა. (…სრულად) | იცოდით, რომ... |
|---|
ვიკიპედიის ახალი მასალებიდან:- ...მსოფლიოში ყველაზე გრძელ გველად მიჩნეულია მწვანე ანაკონდა; მისი მაქსიმალური სიგრძე დაფიქსირებულია 11,43 მ.
|
| |
